為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 02 月 19 日

揑造「誠哥通波仔」 《壹》仔又作料

《壹週刊》上周忽然爆出驚人消息,話誠哥一月份曾去養和做心血管手術,留咗兩日至出院,連邊個醫生幫佢做手術都報埋,好似好堅咁。

該周刊周三清早出街,長實公關大員第一時間睇到篇報道,成個彈起,因為呢段消息足以影響股價,可大可小,於是火速報畀誠哥知,了解到成篇報道冇一樣係事實,老闆冇做過心血管手術,亦冇食過心血管藥,近排身體fit到極,通波仔消息全部係憑空揑造。

公關大員隨即急電各電子傳媒主管,希望在開市前播出否認聲明,避免有人誤信流料,引起股價波動,令投資者損失。幸好時間趕得切,段流料冇影響到股價。

《壹》仔玩誠哥唔係第一次,但今次講佢老人家通波仔,由頭到尾展示唔出任何具體證據,只引述「消息人士」放嘅料,亦冇向長實方面及有關醫生求證,咁就大字標題,當獨家堅料咁寫,真係離晒大譜!

有關誠哥健康嘅報道,百分百係price-sensitive,是否有人藉此影響股價,證監當局應該查吓。

誠哥經常打高爾夫,身體fit到極,並無心血管病症,《壹週刊》憑空報道佢最近做過通波仔手術,完全係無中生有。