為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 02 月 17 日

民記「散仔」可自由提名 振英哥應可入閘

情人節甜蜜蜜,特首選戰就火辣辣,因為當日開始提名,CY能否入閘、各黨派點取態,好快就見真章。

小弟收到消息,CY到周日已手握超過百一張提名票,如果民建聯同工聯會部分成員提佢名,加埋其他散票,佢入到閘應冇問題。民建聯周一晚開會討論點提名,意向係「黨中央」包括主席、四名副主席、中常委及立法會議員唔會提名,將來投票則一致行動,投邊個稍後再傾,但選委內其他普通黨員,就可以自由揀CY或唐唐提名。

民建聯咁做皆因黨員分成幾堆,部分青年軍同地區人馬較傾向CY,鄉事背景及前港進聯人馬又有唔同取態,如果強制一致行動,難度都幾大,分分鐘搞到內部嘈餐死,惟有畀佢哋自由發揮。但到投票時會點,要睇形勢發展再行決定。早前有傳民建聯大佬之一葉國謙會撐CY,如依照上述決策,佢應該同其他高層一致行動,唔會自己走去提名。

特首跑馬仔周二情人節開始提名,民建聯普通黨員可以自由提名邊個,一眾大佬就暫時按兵不動。民建聯個別「青年軍」如劉國勳(小圖)已表態支持振英哥。

至於工聯會方面,唐唐周一前去拜會,討論政綱,CY早前亦去過打關係,不過工聯會點提名仍未有最後決定。線人話,工聯會目前做法係「揸」兩人嘔多啲勞工福利,雖然佢哋同CY關係好啲,但如果唐唐肯大手筆派糖,再睇埋阿爺傾向,最後投票畀唐唐亦有可能。

仁哥周一已攞到一百七十五張提名票,有機會攞齊一百八十張泛民票入閘,估計投票時佢老哥得票都係咁多,唔會有票流畀CY。線人分析,民主黨及同系人馬寧願唐唐得勝,唔想CY贏,因為唐唐上位將來繼續有偈傾;至於教育界及法律界等一直唔鍾意CY,一定唔投佢票,可能只有少量社福界選委撐佢。所以首輪投票大多數泛民選委會投仁哥。

工聯會嫻姐雖然有傾向,但該會高層對支持唐或梁仍未有明確立場,策略上先「揸」兩人「嘔」出更多勞工福利政策。