為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 02 月 15 日

唐唐主動檢視大宅 發現僭建即修正

正當振英哥忙於應付「西九門」風波之際,另一把火就燒向唐唐,某份多次「攻唐」嘅報章趁佢周一發表政綱,刊出報道指佢位於九龍塘約道嘅住宅有違規建築,又指佢數月前向該報否認建地下酒窖,有隱瞞僭建之嫌。

唐唐同日已準備好回應記者提問,佢話約道5A物業由佢持有,7號則屬於其家族,一直丟空,佢同屋企人就住喺5A。去年僭建問題受到社會關注,佢已委任合資格專業人士翻查5A嘅舊契,全面檢查有邊部分建築改動過,確定符合建築物條例。佢承認檢查發現5A有僭建,已進行修正,只因「做得慢」,未完全改番好。

對於去年十月佢回答傳媒話無酒窖及地庫建築,係因為誤會對方問佢5A物業有冇地下酒窖,所以透過公關公司回應話「冇」。

佢話「男人要有承擔」,如果經專業人士檢查後發現有僭建,一定會認,並會立即改。

唐唐就住宅僭建回應記者問題,話自己去年已搵專業人士檢視九龍塘大宅嘅舊契,發現有僭建,正準備修正。