為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 02 月 17 日

《獵鷹》巨星拱照

電影《桃姐》揚威海外,葉德嫻(Deanie)榮獲威尼斯與金馬影后,而劉華都贏咗金馬影帝,獎項仲陸續有來。喺《桃姐》嘅效應下,早前無綫就喺深夜重播三十年前同樣由劉華、Deanie姐合演嘅劇集《獵鷹》。呢套仲係劉華第一部擔正,由李添勝監製嘅劇集,搞到東姑最近晚晚都專登遲啲瞓嚟追睇。

不過,東姑想睇嘅並唔係劉華同Deanie姐嘅母子情,而係想睇下李監製搵咗邊位當年係大茄、今日嘅巨星,用嚟襯托劉華啫。

《獵鷹》係劉華第一部擔正做男主角嘅電視劇,亦係佢同Deanie姐結緣嘅開始。

呢幕戲講及梁朝偉嘅妹妹跳樓自盡,所以令到偉仔有較多戲份及對白,而佢嗰個嚇到呆滯嘅表情(圓圖),又的確交到戲噃。

八二年藝員訓練班出身嘅吳鎮宇,當年畢業就被安排喺《獵鷹》中做大茄,雖然只係做爛仔,但總算有對白講吓。

原來當年嘅星爺,喺劇中做完劉華嘅同學仔之後,仲要再做多管閒事嘅路人甲,認真勤力!而梁朝偉雖然對白同戲份都比星爺多,但都只係做陳敏兒個細佬,不過佢已經好鬼搶鏡。至於,另一個好戲之人吳鎮宇,就做一個好兜踎嘅蠱惑仔。依家睇番佢哋個娘樣真係笑到碌地,所以話玉不琢不成器,確實有辦你睇。

今時今日喺影壇位高權重嘅星爺,當年亦只係用嚟襯托劉華嘅一名大茄,星爺先做劉華警察學堂嘅同學仔(左圖前),喺另一集再做管閒事嘅大茄(右圖後),無綫果然用到盡。