為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 02 月 09 日

肥胡瞓晒身 早已力爭「華麗」重建

鬍鬚曾任內最後一份財政預算案,撥出一百五十億重建瑪麗、廣華兩院,市民多拍手叫好。之前一日,醫管局主席胡定旭接受訪問,話自己一直對「華麗重建」好肉緊,隨即被人質疑抽水,指佢一直冇哼過聲,何解現在跳出嚟領功?

知情人士對肥胡被質睇唔過眼,話肥胡年前已睇到瑪麗醫院急需重建,原來佢有一排曾經常去睇換肝教父范上達做手術,見到手術室太細,每次要攞某件儀器,范教授須除去全副裝備走出嚟,返回手術室又全部着過晒,咁樣重複幾次,實在十分唔妥。所以肥胡一直向政府高層爭取,獲答應考慮瑪麗與廣華、聯合一併重建。但上次施政報告,只得聯合獲開綠燈,反而兒童醫院就得到撥款,有說係政府某高層臨時抽起「華麗」。

肥胡見重建又拖住,近半年鍥而不捨繼續向高層爭取,以致有高官一見到佢就話:「我知你想講乜嘞。」經過佢同各方努力,終於爭取成功。

鬍鬚曾接受《讀書好》月刊訪問,話近期睇咗激進民權領袖Malcolm X嘅傳記,好有意思。(圖片由《讀書好》提供)

肥胡一直向政府高層要求重建「華麗」,有人質疑佢抽水,對佢好唔公道。