為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 02 月 08 日

梁小冰關係離奇?

同陳嘉輝結咗婚十二年嘅梁小冰,近日被影到喺街頭蹺住前有線主持王志海,佢兩個仲前後腳入咗一幢住宅大廈,聚會三個鐘有多。雖然事件中三個主角都唔認梁小冰呢段婚外情,但係除咗街頭親密相之外,王志海喺微博亦有唔少情意綿綿嘅留言,令人聯想到佢哋關係曖昧。對於事件,梁小冰就回應話:「我入行十幾年都冇傳過咁嘅緋聞,證明我唔係亂嚟嘅人。我覺得蹺手、擁抱係正常社交,只係大家覺得愕然。」

結婚十二年嘅梁小冰與陳嘉輝,育有一名小朋友,最近女方傳出婚外情。

唔好話馬後炮,東姑發現梁小冰同老公陳嘉輝關係原來一早已經冷淡。早前,東姑喺機場見到梁小冰出埠工作,佢由check in到出境,一直都係一個人;中途佢去餐廳搵埋同行嘅錢小豪,東姑先知原來佢老公陳嘉輝同囝囝一直喺餐廳。而最離奇係梁小冰去到餐廳,只係遠距離同囝囝拜拜,同老公完全冇親密嘅舉動,感覺兩夫妻好疏離。反而錢小豪出境前就成家人去送行,攬住老婆唔捨得走,顯得梁小冰更加孤寂。

梁小冰早前出埠,着到靚一靚,去check in時只有女友人陪伴在側,但唔見佢老公同囝囝。

梁小冰後來去餐廳,會合同行的錢小豪,原來老公陳嘉輝同囝囝都喺度。不過,梁小冰只係遠距離同佢哋道別,兩夫妻畀人感覺好生疏。

出境時錢小豪有成家人送機,梁小冰則孤伶伶一個,其實佢老公喺餐廳做乜呢?

王志海喺微博上,自去年八月起,已有不少曖昧留言,包括「今天打開冰箱,看到很多漂亮的冰。心情總算好了點。」但報道一出他立即刪除了大部分留言。