為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2012 年 02 月 13 日

Cammi硬黐曾權威

藍潔瑛緋聞男友曾權威律師,可謂名副其實嘅追星一族,近年少咗公開露面嘅佢,已經唔似以前咁乜明星都追,佢話依家身體冇以前咁好,有心無力,所以追星都要追得揀擇啲,唔紅唔追,仲要係靚女先追喎!

要數近期嘅娛聞紅人,確實非Cammi(謝芷蕙)莫屬,曾律師同東姑講Cammi夠靚又青春,梗係要見吓真人喇!至於「慾照」男主角陳冠希就年老色衰,曾律師話唔見好過見喎,唔好浪費時間,攞啲時間賭吓波好過。

Cammi相當識做,喺影合照嘅時候蹺到曾律師實一實,原來影「蜜照」唔單止係陳冠希嘅專利,曾律師一樣可以。

農曆新年前,曾律師就率先搵咗Cammi拜咗個早年兼約佳人食飯,師姐Rainbow(胡心諾)知道有得玩,於是一齊出埋嚟。嗰日一班人先喺尖沙咀名人飯堂富瑤酒家食飯,再去寶勒巷嘅CEO唱K。熱情嘅Cammi全程黐住曾律師,咁識做所以未到新年已率先收大利是一封。至於Rainbow就慘嘞,全晚齋坐冇利是,咁係證明咗曾律師唔係見到靚女就派利是,係要夠人氣先會派o架噃。

Rainbow見到Cammi蹺住曾律師咁識做,於是有樣學樣,蹺到曾律師實一實。

食飯期間Cammi不停夾餸畀曾律師向佢大獻殷勤,怪唔之得令曾律師冧爆。

Cammi咁識做,所以新年前已率先獲得曾律師嘅寵幸,得到大利是一封。

曾律師知道Cammi愛唱K,即使三更半夜眼瞓到暈,都捨命陪靚女,當日除咗有Rainbow外仲有o靚模Melody(左一)。