為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 01 月 25 日

批唐「怪文」惹爭議 《信報》停劉迺強專欄

近日網上流傳一篇充滿極左味道嘅「怪文」,指唐唐一班助選人員「清一色反共」,又搵右派分子做喉舌,甚至指唐唐勾結英美勢力,此類上綱上線的戰鬥性文章近年已少見,看後令人「心寒」。

傳聞文章乃政協委員劉迺強所寫,有記者問佢,佢答話「冇寫過」,但據知情人士打聽得知,此文作者的確係佢,而文章係反映左派圈子內部分人嘅情緒,相信係想在特首跑馬仔「入閘」前打起紅旗,強烈表達「左」嘅觀點,試圖影響阿爺決定,間接幫CY一把。

此文講法的確引起部分「極左」人士共鳴,但理性朋友就睇到心驚膽跳,例如劉迺強將「只係打份工」的陳慧兒、夏詠援劃為「反共班子」,又指政府重用「拿了居英權的前朝官員」,充滿仇恨情緒,同文革的言論已冇分別,難怪出身親中家庭嘅年輕評論員沈旭暉亦希望劉迺強「重回理性討論,不要讓麥卡錫時代來臨!」

由於文章引起種種爭議同揣測,背後動機亦令人生疑,故《信報》決定停止劉迺強在該報專欄,並已通知咗佢,強調同言論自由冇關。雖然劉老兄冇咗呢個地盤,呢種訊息仍會繼續流傳,但搞落去好可能給振英哥幫倒忙。

劉迺強寫批唐「極左怪文」,動機成疑,在政圈引起議論。由於事情複雜,《信報》已停其專欄。