為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人家居 2012 年 01 月 16 日

馮美基 黃金滿屋

農曆新年就快到,May姐馮美基早早已開始布置家居,愛入廚的她又鑽研新菜式,務求踏入龍年,繼續食得招積。

May姐搞搞新意,想出蜜餞黃金蠔和話梅豬手兩味賀年菜,沿用傳統食材之餘又味道嶄新,取其好意頭「發財好市,橫財就手」,又有黃金、甜蜜之意,夠晒應節。

馮美基坦言農曆新年最愛在家中用時令的材料炮製賀年菜,「食材全部自己揀,份量、味道全部都可自己控制,好過出去食。」

橫財就手

每到農曆新年,馮美基最愛以時令的材料炮製賀年菜,今次她揀選超大隻、半生曬的金蠔,和特大豬手,烹調意頭菜。「新年人人都講意頭,傳統的食材不可缺,唔想咁悶,要在味道上搞搞新意思。」說畢May姐即走入廚房,三兩吓手勢,已煮好兩味賀年菜,色香味全。

May姐笑言以前還會在家中準備賀年糕點,祈望新一年步步高陞。惟近年已沒有再整糕:「以前我最鍾意做蘿蔔糕,但近幾年好多朋友送糕點來,加上做得多飲食節目,有些酒樓亦會送畀我,所以都唔使自己整。」

馮美基愛請客,新年前後都愛宴請大班朋友回家開大食會,又會開枱打番三四圈「東」發新年財,開個好年,「以前我鍾意到外地過年,但近年較少,反而愛招呼朋友回家食吓嘢,開吓枱,大家聚一聚已好開心。就算真係要去旅行,都會年初二之後才出門。」

馮美基每逢農曆新年都會為家居布置一番,除會擺放年花,亦會掛上賀年飾物,為家居增添賀年氣氛。

炮製話梅豬手的材料,除了豬手和話梅,亦要有乾葱、白醋、蒜頭、老抽和蠔油等。

做法先將豬手加入煲熱的白醋和鹽水中,然後將乾葱蒜頭爆香,加入豬手、調味以及話梅,煲五十分鐘便可。

豬手有「就手」的意思,是極有意頭的賀年美食,馮美基為了搞搞新意思,每年都會以不同的烹調方法來炮製豬手。