為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 01 月 13 日

多年舊患 群醫棘手 基哥「獨臂」之謎

雖說「假的真不了」,但基哥今次打初選,當正真咁玩,據講「豪花」二十萬大元,除了聘請公關公司,更搞大變身——西裝、領呔、眼鏡全部換晒,又特意減磅slim咗啲,就算贏唔到,都令人有少少新鮮感。

競選期間,基哥一直戴住條肩帶吊起右手,一般人不明所以,以為佢老哥最近跌斷手。原來此非新傷,而係舊患,多年前基哥揸電單車出事,撞傷過肩膊,一直未完全好番,曾找過十幾個跌打醫師、針灸中醫、骨科西醫及物理治療師醫治,都斷唔到尾,早排出戰區議會選舉,臨尾選情告急,佢老哥四出拉票頻頻同街坊握手,結果條筋再度裂開,痛到舉唔起隻手,所以今次撼仁哥只能「獨臂」應戰。

基哥對贏輸冇乜所謂,因為目的已達。佢同本刊記者講,近年自己未試過有咁高見報率,過往電子傳媒唔多「騷」民協,最近佢在電視的出鏡機會就多咗幾倍。知名度提高有助基哥今年參加立法會的超級區議員選舉(因是全港市民投票),所以佢今次一博,成本唔高而收益大,實在好划算。

基哥今次成功爭取到曝光率,明輸實贏。佢「單臂」應戰,皆因多年前舊患復發。