為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2012 年 01 月 11 日

陶傑約訪「雙英」 CY冇厘反應

張寶華揸fit嘅Goyeah網站請咗才子陶傑主持訪問,名為《大陶殺》,早前分別約幾位特首參選人去同佢交手,兼與網民對話,第一個就搵振英哥,初時助理阿Scott都幾積極,話會安排時間,但其後就冇聲冇氣,反而唐唐一收到邀請就答應,隨即出席網上直播,同陶傑談笑風生,都幾生鬼。唐唐之後,仁哥同基哥亦齊齊應邀被才子「陶殺」。

小弟打聽之下,得知振英哥至今仍冇反應,睇嚟好唔想出席!點解佢態度咁冷淡?據小弟分析,陶傑訪問往往有神來之筆,好難捉到路,可能振英哥都忌忌哋;二來Goyeah大老細岳少乃唐唐支持者,或者振英哥唔想身入虎穴啩!

陶傑在Goyeah主持《大陶殺》訪問,唐唐應約出席,振英哥就一直冇覆。