摑出個未來 吳千語
Tempo廣告中，四眼肥仔在餐廳中被女友狠狠一摑，幾乎眼水鼻水一齊流！這一巴，非同凡響，竟然把「美女」摑上銀幕。她經過試鏡後，成功打敗一眾o靚模、肉模，成為電影《開心魔法》的女主角、黃百鳴旗下電影公司力捧的新人，她的名字叫吳千語。
十八歲的吳千語，數月間由兼職廣告模特兒搖身一變成為電影新星，全因兩個字——「清純」，並被公認為「少女版楊采妮」，難免有點受寵若驚，甚至難以置信，她坦言：「媽咪初頭睇得多娛樂雜誌寫嘅嘢，都會擔心娛樂圈可能唔適合我，不過我入咗行後，日日都同佢報告行蹤，佢依家都好放心。」
既有老闆黃百鳴親授演技，又有戲中靚仔對手吳尊的心理輔導，吳千語的「第一次」奉獻得絕對值得，「近日拍賀歲片《八星抱喜》，可以同咁多咁好嘅演員合作，真係好開心！我依家最想係拍多啲戲，有多啲屬於自己嘅作品，等多啲人認識我，多啲人鍾意自己，其他太遙遠嘅嘢，我唔諗住喇！」然後拋出一個甜笑，十八歲的魅力，相信無人能擋！
中文名：吳千語 英文名：Karena
原名：吳欣容 年齡：18歲
身高：170cm 體重：45kg
出生地：浙江
