為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2011 年 10 月 09 日

魏秋樺艷光壓影后

近年,淡出娛圈從商嘅魏秋樺(Bonnie),鮮有出席公開活動,東姑記得當年由Bonnie憑住嗰套經典電視劇《奇女子》一夜成名,紅極一時,仲奠定咗佢嘅一線花旦地位添。

日前,亞視節目《亞視經典劇集話當年》,就特別請嚟唔同年代嘅一線小生、花旦及幕後做嘉賓。Bonnie同東姑講佢近年只接登台騷,好少拍劇,因為拍劇唔定時又捱更抵夜喎。而為保持皮膚靚靚,Bonnie仲會堅持每日瞓八個鐘添,保養得咁好,怪唔得之Bonnie拍埋去金像獎影后鮑起靜嘅身邊,艷光絕對有過之而無不及嘞。

見番昔日老友梁天(右)同監製李元科(左),Bonnie開心不已,三人回顧當年傾到雞啄唔斷。

Bonnie雖然已淡出娛圈,但係對自己嘅要求一樣冇鬆懈,keep得美艷動人,同影后鮑姐有得揮。