為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2011 年 10 月 06 日

抵睇個唱

陳奕迅一家去完林憶蓮個唱撐場後,輪到自己北京開show,一直以嚟,陳奕迅都好想邀請同樣屬於經理人陳家瑛旗下嘅王菲做個唱嘉賓。上星期,佢喺北京開嘅巡迴個唱,終於畀佢恨到,得到王菲畀面到場做嘉賓,當然開心到彈起啦!

不過Eason向來有「吹神」之稱,口水多過茶,所以阿菲演出前曾經同吹神勾過手指尾,講到明喺上台時吹神唔可以撩佢講嘢,只可以唱歌。結果到阿菲出場時,Eason一直都只對住阿菲不停點頭,場面搞笑!雖然阿菲同佢合唱完一曲〈因為愛情〉後即閃,但一個吹神演唱會可以睇埋天后演出,北京歌迷真係好有福!

陳奕迅演唱會有王菲撐場,門票炒至三、四千元。

終於畀Eason恨到,請到王菲做嘉賓即時舉出勝利手勢。

得到阿菲撐場,Eason當晚表演狀態特別好。

憶蓮個唱當晚,原本坐在Eason旁邊的徐濠縈,突然調位。

Eason老竇陳裘大,同陳奕迅兩仔爺齊齊扮浪。

王菲叫Eason咪講嘢,Eason只好點頭唔出聲。