為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2011 年 09 月 28 日

陸永冧掂外父

日前,陸永同佢任職地產經紀嘅廿二歲女友Rainah「奉子成婚」,確實可喜可賀,陸太依家先得嗰廿二歲,青春無敵,所以佢老竇年紀都唔會大得去邊。

早前,東姑喺佐敦街頭見到陸永同一名中年男子喺街邊吹水,佢兩個有講有笑仲手舞足蹈,簡直friend過打band。為咗知道佢哋搞乜東東,東姑一路跟住佢哋,去到路口發現原來佢哋係去搵陸太Rainah,而見到Rainah之後,佢哋三個你搭吓我膊頭,我又攬吓你條腰,全無隔膜同代溝。唔使斷估,都知呢個中佬就係陸永嘅外父大人喇。

東姑遠距離見到陸永同身形瘦削嘅外父大人非常好傾,佢兩個仲傾到手舞足蹈,好似好friend喎!

東姑好八卦咁跟住去睇吓佢哋之後會去邊,一睇東姑發現原來陸永去接老婆仔,兩人仲攬晒腰。

之後,外父見到乖女,立即搶番阿囡個玉臂攬,佢三個你攬吓我,我又攬吓你,全無代溝。