為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2011 年 09 月 30 日

上海車淑梅 激壞宇宙最強

甄子丹近年紅遍神州大地,做品牌代言人唔在講,不少商品推廣都會請丹爺出席,早前某美國品牌要喺中國推新產品,重金禮聘宇宙最強出席。點知,佢哋個女主持一時失言,搞到場面十分尷尬。

發布會一開始,一位打扮毫不起眼、紮住馬尾,穿着普通OL服裝嘅女主持上台致辭。唔好睇呢位女士平平凡凡,原來大有來頭,係中國有名女DJ,有「上海車淑梅」嘅稱號。

叫得「上海車淑梅」,怕且都有啲能耐,但佢介紹嘉賓出場時,竟然叫宇宙最強做「嚟自美國嘅武打巨星」。丹爺雖然喺美國長大,但就係不折不扣嘅中國人,兼夾佢係拍港產片成名,於是立即糾正,好清楚咁話自己係「來自中國嘅武打巨星」。

「上海車淑梅」突如其來被丹爺指正,除咗唔識反應外,面色亦即時一沉,然後死死哋氣再開腔;但唔知係有心定大意,女主持講兩句後,又再次嗌錯,令氣氛變得好尷尬,丹爺最後都投降,只好搖頭苦笑。

「上海車淑梅」(右)講錯甄子丹來自嘅國家,搞到宇宙最強都以苦笑回應。