〈那誰〉變〈那星〉 鬧人妻寸歌笑爆嘴!
呢期蘇永康首〈那誰〉熱爆K場,歌紅自然會有人惡搞,近日就有人把這首歌改咗啲歌詞,本來講失戀感受,呢家就變咗諷刺啲唔做家務,懶過隻豬o既老婆。啲歌詞好搞笑,一開始就將卓韻芝的一段讀白改為「你坐喺電腦前面,嘗試喺搜尋引擎器裡面輸入How to find,自動彈出既第一個聯想語句,亦即係全球最多老公搜尋o既語句係How to find a good wife ...」之後的歌詞就句句有骨,如「話入廚其實根本請槍,要你洗碗你卻開枱至上」、「說到我的妻子,真想小那星,講起似亂葬崗的屋企,被窩找到咖喱炒蟹確實詭秘」唱者認真、歌詞啜核,估惡搞版上載幾日時間,已經有近二萬人瀏覽,有些已婚男士,更大讚歌詞寫得好、寫晒佢啲心聲出嚟喎!

鬧人妻咁寸?(設計對白)

網友認真有心思,把蘇永康首〈那誰〉改成〈那星〉鬧人妻版外,連MV都炮製得啜核過人。


