
姊妹廚房
正在英國升學的寇鴻萍大女唐貝詩(Lydia)和細女唐貝欣(Fiona),最近趁復活節假期返港度假,更趁機跟父母新開設的意大利餐廳Pala總廚偷師學煮意大利菜,好讓返英升學後,能在同學及友人面前一顯廚藝。
學師當日,兩姊妹繫上圍裙認真地跟着師傅一步一步做,所有工序都不假手於人,結果煮出來的意大利闊條麵及意式海鮮雲吞亦有板有眼,餐廳總廚、父親梁廷鏘及家姐(梁廷鏘女兒)Joanne試味後皆舉牌給予二人八分以上的評價。
兩姊妹廚藝雖然未至於頂呱呱,但她們笑言:「我們一定不是地獄廚神。」
![]() 唐貝欣炮製闊條麵時,表現得有板有眼,就連站在旁的姊姊也笑她說:「好似好好味喎!」 |
煮雲吞闊條麵
Lydia和Fiona皆是入廚初哥,學師這天,餐廳總廚特別教授二人兩款無論材料和烹調方法都較為簡單的意大利菜,包括意大利闊條麵和意式海鮮雲吞。
總廚先教二人自製意粉,由落粉、打蛋、調味至搓粉,二人均表現得有板有眼。當Fiona拿起專為鎅意大利麵而設的刀時,表現好奇地說:「好得意呀!原來自己做意大利麵都唔係好難啫,返到英國我哋可以自己買材料做!」Lydia亦說:「初時我以為自己做麵好難,其實都唔係,我哋可以整啲畀同學和朋友試吓!」
做完意大利麵,總廚再教Lydia做意大利海鮮雲吞,並帶二人進廚房開始烹調。二人拿起廚具有點姐手姐腳,加上她們對調味料的份量不太熟悉,故烹調期間經常問總廚:「係唔係一湯匙上湯呀?夠唔夠呀?」
加上兩姊妹的玉手不太受熱,過程中,Fiona突然大叫:「嘩!咁熱㗎!」雖然烹調過程有點「蝦碌」,但二人煮出來的闊條麵和海鮮雲吞,賣相仍算不俗。
![]() 餐廳總廚向唐貝詩和唐貝欣講解做麵過程,二人留心聆聽,遇到不明白的地方時,即時開口發問。 |
![]() 搓好麵糰後,二人把麵糰放入機器內壓平。 |
![]() 二人將半包麵粉、半包粟米粉、三隻雞蛋,再加少許鹽、油,用手拌勻,搓成一個麵糰。 |
![]() 麵糰壓平後,唐貝欣用小刀將麵皮cut成一條條粗幼一樣的麵條。 |
![]() 做好意大利麵,輪到唐貝詩做海鮮雲吞。她先把麵皮壓平,加入海鮮餡料,塗上少量的蛋漿,再蓋上另一片麵皮,並以圓形的模具壓出,再用手封好雲吞邊。 |
![]() 唐貝詩表現不俗,不過當下調味料時,卻表現得有點猶疑,經常要總廚在旁提醒。 |
![]() 完成傑作後,二人即拿起親自炮製的意菜說:「睇個樣都唔錯呀,不過唔知味道點呢?」 |
唐貝欣愛甜品
![]() 兩姊妹互相試食對方烹調的菜式後,胞姊唐貝詩(右)說:「闊條麵味道都唔錯,不過我嫌唔夠芝士味。」 |
完成兩款意式主菜後,Fiona再跟總廚學做意式甜品Tiramisu,她笑說:「平日我鍾意做甜品,因為我鍾意食。」身旁的Lydia即插口說:「係呀!佢最鍾意做cheese cake,還有自己特製的甜餅,我食過真係好好味。」
Lydia和Fiona在英國留學期間,間中也會親自下廚,剛升上大學的Lydia說:「我剛剛租了一間有open kitchen的屋,廚房好大,而且我屋企附近就有supermarket,好方便。我經常都自己煮嘢食。不過我覺得煮嘢食都要一步一步學,以前我只識做凱撒沙律,但近日已進步了,學識煲粥,我知道煲粥的份量係要一杯米加兩杯水,還要煲一個鐘以上才會『綿』。」
仍在寄宿學校讀書的Fiona則說:「我在英國就比較少煮嘢食,只係weekend去家姐屋企先會煮。我哋嘅廚藝雖然未算好精,但煮出嚟的食物一定可以放心食。」
Tiramisu速成班
![]() |
![]() |
意大利甜品Tiramisu的做法:把芝士打至軟滑,加入30克的糖、拌勻至軟滑。另將鮮忌廉攪打至企身,並將之加入芝士內,輕輕拌勻。然後,用圓形模cut出一個個餅底。 |
![]() 用一個小碗放滿咖啡、把之前的圓形餅底浸於咖啡內,然後放入小杯內,再鋪上之前已打好的忌廉芝士,放雪櫃冷凍約3至4小時。 |
![]() 進食前撒上朱古力粉便可。 |
評判團講乜﹖
餐廳總廚、父親梁廷鏘及家姐Joanne,這天當上評判,親自試食Lydia(右二)和Fiona(左三)烹調的意大利菜,並即場評分,看看她們的廚藝是屬天堂級還是地獄級。
![]() |
Fiona麵條的粗幼度,以及烹調時間配合得好好,但味道就淡了少少,我畀8分。而Lydia的意式雲吞,味道好香濃,我畀8.5分。 梁廷鏘:
Lydia的雲吞大小適中,一啖一隻,味道酸咗少少,8分啦!Fiona的闊條麵就煮得啱啱好,幾好食,9分。 梁廷鏘女兒Joanne:
Fiona的Tiramisu味道唔錯,不過啲cream食落仲有少少濕濕哋,雪的時間唔夠,8.5分。