為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 09 月 06 日

亞視新聞部地震 梁家榮辭職有內情

亂到七彩嘅亞視,屋漏又再逢夜雨,新聞部主管梁家榮周一突然辭職,即日生效。據線人回報,梁家榮早在兩個月前亞視誤報江澤民死訊後已遞咗辭職信,理由係自己盡咗力都無法阻止呢段新聞出街(即係消息來自更高層),須為此負全責。佢遞信後,管理層一直冇人表態挽留。最近新聞部與管理層就「廣告式新聞」開火,事緣身兼《理財博客》及《走進上市公司》節目主持人嘅殷莉,被質疑擅用「財經主播」或「財經首席記者」稱號,將新聞與廣告混淆,期間新聞部同管理層之間火藥味甚濃。

呢兩個節目由副總裁劉瀾昌負責,佢主管嘅「二部」,同榮總領導嘅「一部」一直分開,據悉劉瀾昌近日已升正高級副總裁,將接管兩部運作。經歷兩場風波之後,榮總終決定於周一正式引退。

譚衛兒一直跟榮總共同進退,故於此風雨飄搖之際,亦一併請辭。

梁家榮早於兩個月前已遞辭職信,近期新聞部與管理層爆衝突,觸發佢周一正式引退。