為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人家居 2011 年 09 月 09 日

北京直擊孟瑤千萬豪宅曝光

由王晶一手發掘的性感女星孟瑤,秘密結婚三年兼誕下兒子,剛於上月才跟內地「胸圍大王」富二代老公補辦過千萬的童話婚禮。

婚後一家三口定居於北京朝陽區市值千六萬、三千多呎的豪宅,嫁入豪門的孟瑤大方晒其名牌手袋和老公的珍藏紅酒,部分紅酒更有成百年歷史,炒價達至廿萬一瓶,果然內有乾坤。

上月,孟瑤才和老公補辦豪華婚禮,一度惹人注目。

孟瑤的新婚家居,全屋裝修連傢俬也由她負責,更不時出埠選購裝飾物,其客廳上的吊燈更是遊意大利時所購的。

孟瑤將寢室改裝成衣帽間,中間有幾個LV篋,而鞋櫃更有半百對高跟鞋。

樓價升倍

孟瑤早於○八年低調下嫁富二代老公周磊,當年只簡單註冊,但畢竟是婚姻大事,老爺亦送出豪宅當大禮,最終她選了位於北京朝陽區的一個三千二百呎的高層單位,共五房兩廳,由於適值奧運前夕,樓花價也要三萬一呎。由裝修到揀家具,她也一手包辦,主要取其喜好的歐洲宮廷式的設計,豪花近三百萬,相當揼本。

「間屋係老爺送,現在升咗好多,都成五萬蚊呎,現約千六萬人民幣。佢有畀我揀買別墅定公寓,但我唔鍾意別墅通常都位於啲較偏嘅地方,下下都要揸車;加上諗住方便BB走來走去,怕上落樓梯危險,所以揀公寓。呢度有五間房,其中一間係套房、兩間寢室、一間書房和衣帽間。成間屋都係我嘅idea,除咗酒櫃,嗰part係我老公,我哋早排去法國補拍婚紗相時,佢買咗好多紅酒,有啲係1893年出品,現出面都賣成廿萬一瓶o架。我就鍾意手袋,鍾意Hermès和Chanel。」