為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 09 月 09 日

嘉里包車場促銷紀雲峰

過去有唔少豪宅因為車位不足而影響銷情,嘉里建設(0683)旗下位於跑馬地新盤紀雲峰,有一百二十六個單位,但只有不足四十個車位,即係每三伙先分得一個。大家都知,住跑馬地啲人都較富有,通常係有車階級,車位唔夠,啲樓唔易賣。

一言想到嘅,發展商當然諗到,佢哋早喺兩三年已諗辦法,但都冇乜好橋。後尾有位叻人建議,不如喺區內包起其他私家車場,專畀紀雲峰業主用。發展商茅塞頓開,即時喺跑馬地及銅鑼灣一帶搵車場。

左睇右睇,最終相中玩具大王蔡志明喺跑馬地個誠和閣車場,車位有兩百個,於是包起成個停車場,然後畀紀雲峰住戶將車輛停泊。之但係誠和閣距離紀雲峰都隔咗幾條街,腳程要十分鐘,咁又好似有啲麻煩,最後嘉里決定安排穿梭巴往返,發展商呢鋪為求賣樓,真係扭盡六壬。

嘉里度條好橋促銷,租咗誠和閣個車場,畀紀雲峰業主用,以解決車位不足問題。

紀雲峰就快開售,缺點係唔夠車位。