為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 08 月 20 日

高官開「早禱會」 禁攜手機進場

特首辦上星期搬屋,眾高官第一次喺新會議室開「早禱會」,地方比以前大,電腦都改咗,各司局長可以組合同自己有關嘅新聞資料,下載作參考。因會議涉及軍機大事,保安設備亦升咗呢,據聞會議室道大門係特別設計,可百分百防止竊聽(詳見本期「都市刺針」)。

但即使會議室密封,亦非萬無一失,所以眾高官及有關人員進入開會之前,都要先將手機留低,仲要關上電源,因為手機本身可成為一個通訊器,如果有人做手腳,可以勾手機線竊聽會議內容,為免消息外洩風險,全部手機要放於場外。

以前港督年代,港督府地窖有間密室,用嚟收取來自英國嘅機密電報,回歸之後,間房無咗呢個功能(唔使收密電),改為會議室。特首辦搬寫字樓後,再冇設呢類機密房,如果有乜重大事件,煲呔及高官就移師到保安局,於危機應變中心指揮大局。

煲呔第一日去新辦公室返工。官員入會議室同佢開會唔可以帶手機。