著制服晒籮 爆警隊內幕 師兄今次大鑊了！
好多人都鍾意寫吓Blog 、Xanga等嚟同啲friend交流和抒發一吓自己的心情，對減壓嚟講係好，但有時就係咁將啲不可告人的事傳晒出去，咁就真係大大鑊。
繼早前警花阿旦的自拍制服照流出後，今次又輪到班師兄衰咗，近日就發現有一名畢業於07年的警員製作網誌，和一班同學交流分享，於網誌上他們大吐苦水，爆指有同事怕麻煩唔做嘢，見到犯人都唔理，另外他們亦上載了不少在學堂受訓時的生活照，有扮鬼扮馬 、亦有露籮、激凸相。師姐爆完又到班師兄，負面新聞一籮籮，睇嚟一哥真係有排煩呀！
據知網誌是一個畢業於07年的警員製作的，目的是跟一班同學交流和分享，故於網誌上他們經常大吐苦水。
好多相片都是他們在學堂受訓時的生活照。
雖然睇電視和電影都話啲「新紮師兄」捱得好辛苦，好大壓力，但睇佢哋啲生活照，又開派對又扮鬼扮馬，睇嚟好Happy至真。
睇嚟呢班師兄都好有表演慾，不時扮鬼扮馬、表情多多。
著住制服晒美腿，比師姐們更為惹火。
喺學堂清潔廁所都拍攝留為紀念。
著住緊身褲影合照，問你死未？
一餐飯有廿幾三十碟餸，仲要人人有蕉食，學堂生活真係不錯。
