當家姐超雲感情有着落，賭王與三太的次女超蓮，則展現真面目，一改平時同父母去ball的性感養眼、每每令人眼前一亮的裝扮。

其實私底下的超蓮，一樣可以好鬼街坊。上周三（八日），她以素顏配上小雲眼鏡，身穿大領tee、熱褲和踢拖，在中環及銅鑼灣現身，沿途竟然無人認得她是至索的賭王千金。卸下ball衫，十七歲的超蓮，即刻變番乖乖鄰家女孩。

盛裝走Ball場 早前超蓮與家人出席東華晚宴，以一身D&G deep V大露背連身裙示人，令三太大為緊張。

便裝行中環 打扮得好casual的超蓮，無化妝戴上大黑膠框鏡，沿途無人認得，感覺特別輕鬆，並為友人拎電話及iPod。

街坊踢拖

超蓮自前年去英國讀書，衣着打扮愈顯大膽，早前一家出席東華晚宴，她穿上低胸大露背的Ｄ＆Ｇ連身裙，展露初熟的身材，激到阿媽徧徧跳，三太講明是性感的底線，「再性感不如唔好着！我下次會睇緊啲。」

Ball場上的超蓮，鋒芒畢露，只有十七歲的她，私底下都有細路女的一面。在上周三（八日）下午，無化妝的超蓮，戴住粗黑框眼鏡，係咁易徧起啲頭髮，穿上闊身tee襯至愛的熱褲，踢住對花花膠拖鞋，街坊打扮，陪好友去中環的Orient 4剪頭髮。離開時，超蓮件大領tee跌膊，不時露出肉色bra帶，搞到她周身唔自在，貴為賭王千金的超蓮，不介意穿上好友的外套遮住，更主動出手當街幫朋友整理衫袖，沒半點大小姐性格。

之後超蓮與朋友再踩落年輕人商場銅鑼灣地帶，沿途竟然無人認得作街坊look打扮的超蓮，她行得分外寫意，朋友帶她到地庫的平民眼鏡舖睇「大眼仔」（有色隱形眼鏡），期間她不斷問職員意見，但始終都只睇無買，最後同朋友各外買了一杯珍珠奶茶，邊行邊飲，全程只遊了個半鐘，便同朋友急急腳返屋企玩好過。

行過銅鑼灣地帶，超蓮買唔到戰利品，一人揸住一杯珍珠奶茶，邊行邊飲，非常隨意。

陪朋友去中環整頭，呆坐咗成個鐘，離開時超蓮一樣精神奕奕。

訓練有素的超蓮，發現記者後，連着外套都小心過人，擰轉身至敢着，費事畀記者影到着衫的模樣。

四眼look的超蓮走去眼鏡店，好專注看「大眼仔」隱形眼鏡，又問職員意見，表現得好有興趣，但最後都忍手無買，絕冇大花筒。

平時好多嘢講的超蓮，出名多朋友，在銅鑼灣街頭又撞到朋友，三人閒聊幾句交代近況便急住走。

可愛的超蓮，幫朋友仔拉衫袖時好大動作，屈膝不停拉扯，不知情的路人，以為她們在街頭拉扯呢！