為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 07 月 29 日

恒大員工 變富翁

今年幾乎隻隻股票都畀人質到殘,特別啲民企,更加被殺到體無完膚,偏偏有間公司非但冇事,股價自年初至今升幅近倍,呢隻就係國內地產商恒大(3333)。今年以來,佢個股價由最低位三個二毫七,升到高峰時六個二毫七,幾近翻一番。若以舊年九月個低位兩個二毫半計,升幅更加近兩倍。

好多投資者都跌眼鏡,皆因國內房地產係中央致力打壓嘅一個行業,估唔到恒大賣樓仲咁強勁,到依家合約銷售已經達到全年七百億目標嘅一半,難怪股價表現咁亮麗。

股價表現理想,員工自然開心,一言聽聞,公司上市後發咗唔少認股權畀部分員工,當中約莫有近百人變成千萬富翁。呢班員工所獲分派嘅認股權,由於時間不同,大概每股平均兩到三蚊水平,換言之到今天升咗一到兩倍。

恒大股價飛升,員工身家亦水漲船高,集團副主席兼行政總裁夏海鈞(右一)手上所持認股權,淨賺三億。