上周二（6月28日），楊思琦出席活動時突然宣布，與拍拖九年的李泳豪已分手數個月，並以「愛情無分對錯」及「雙方有共識」將九年情畫上句號。不過，有傳楊思琦狠撇李泳豪，乃因移情中學同學富商Andy Ng，而且懷有兩個月身孕，冇得返轉頭。

日前，李泳豪接受本刊獨家訪問，直認楊思琦向傳媒發表單身宣言後，才以短訊形式通知他，令他一時間實在不能接受現實。雖然對方已另結新歡還被傳大肚，泳豪卻仍癡心表示：「如果佢真係有咗，我都願意娶佢，養埋佢個B！」

日前，李泳豪接受本刊獨家訪問，談及楊思琦的告別短訊，不禁淚如雨下，並表示依然很愛她。

楊思琦與李泳豪於○二年合作拍攝劇集《血薦軒轅》撻着，相戀九年期間，男方受盡外界白眼，思琦更數度被雪藏，以為可以相依終老，女方卻忽然分手斬情絲。

分手無先兆

上周二（六月二十八日），楊思琦以性感tube-dress出席活動時，突然宣布跟拍拖九年的李泳豪分手數個月，並表示已各自跟家人交代，當被問到分手原因，楊思琦以「愛情無分對錯」及「雙方有共識」作回應。不過，正忙於趕拍新劇《拳王》的李泳豪卻大表錯愕，「真係唔知點解佢咁講！我哋最近喺前日通過電話，仲係男女朋友式嘅通電。」

事實上，李泳豪於上月中生日時，楊思琦仍以女主人身份，偕未來老爺李家鼎出席，其時兩人不但當眾互攬表現親暱，又直認好事近；想不到思琦無端端一句單身宣言便將九年情畫上句號。

上周李泳豪收到情敵Andy的短訊，叫李泳豪祝福他和思琦，擺明寸爆示威。'

日前李泳豪接受本刊獨家專訪，沉痛表示：「我真係唔知發生咩事。我好無奈，我怕身邊有人影響佢，我好想幫佢，好想挽留，但佢呢幾日都唔肯聽我電話，唔覆我訊息。」

據知，楊思琦曾向泳豪親口承認因「一時糊塗同人有咗兩個幾月」，但泳豪仍未死心，泳豪說：「如果佢真係有咗，又肯返嚟我身邊，我依然會接受佢o架！有邊個人冇做錯過吖？我真係好鍾意呢個女仔，我可以原諒佢，可能今次係個考驗，過到呢一關，我同佢就會一路行落去！」

上周四（6月30日），楊思琦憔悴現身尖沙咀睇中醫，明顯瘦了一個圈，還頻嗌記者「小心、小心」。