為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 06 月 18 日

鄭大班留手 唔再郁林鄭

鄭經翰(大班)平日惡慣,最近山頂大屋被揭有僭建,屋宇署人員未入屋驗查,就出信命令佢清拆,佢當然㷫到彈起,仲聲言會組織「僭建苦主大聯盟」抗爭到底。

到上周,發展局局長林鄭月娥聲稱不容特權,唔會特赦,違規僭建物一律要拆,大班就企出嚟講,如果林鄭對待新界同市區僭建業主「大細超」,佢就發起行動,要林鄭下台。

但周一有人問起佢有乜進一步行動,點樣向林鄭施壓,大班就低調咗好多,表示暫時唔會再講啦,亦冇乜行動會做。

鄭大班早前話會組「僭建業主大聯盟」,又話要林鄭(小圖)下台,但周一就低調晒,唔再公開發炮轟佢。

點解大班對林鄭態度突然變得溫和?據小弟推測,大班同煲呔始終friend過打band,而林鄭乃煲呔旗下僅有幾名「勇將」之一,大班可能收到訊息,話唔好再畀林鄭咁大壓力啦,如果連呢名女將都散埋,就好麻煩,所以大班亦對佢留吓手,暫時按兵不動。

講開林鄭,佢要「理順」僭建問題,的確十分頭痕,但最近政圈流出一份一九七六年嘅行政局機密文件,就天台屋定出「容忍」嘅政策,只要唔影響結構安全,就可以存在。呢份封存三十幾年嘅機密文件此時流出,可能有人想為政府度橋解困,促使林鄭考慮吓咁樣「變相特赦」。