為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 06 月 11 日

龍翔犯錯嚇怕散戶

近期多間新股搶閘上市,股民逐一研究真係要花唔少時間,但即使有閒情睇晒成本招股書,都可能會中招。好似上周招股嘅中小型公司龍翔集團(0935),數字上竟然出現嚴重錯誤,招股書概要列出一○年度「每股未經審核備考綜合盈利」,原本係八點七九港仙,竟然寫成八十七點九港仙,足足差咗成十倍,如果以呢個數計市盈率,以招股價上限一元四角計,由原本十六倍變為一點六倍!

但聽講龍翔配售反應都唔錯,認購嘅大戶當然知公司市盈率係十六倍,而唔係一點六倍咁筍,呢個應該係手民之誤;但問題就係,咁大嘅錯誤竟然喺招股臨截止前兩日,先至透過港交所網站及登報發通告澄清,就實在值得斟酌。

有證券行經紀仲要因此特別通知已落飛嘅客戶,講畀佢哋聽招股書有咁嘅錯誤。其實散戶認購新股,好多唔睇招股書,經紀唔講猶自可,反而一講就提醒班散戶間公司連咁重要事情都搞錯,頓然大失信心,有啲仲即時抽飛。

龍翔搞錯招股資料,實在太大意,圖中間者為主席溫惠民。

龍翔招股書話舊年每股盈利87.9仙,原來實際只有8.79仙。