為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 06 月 12 日

中原將客戶資料兩邊用

現在做生意真係要扭盡六壬,一言有位女性朋友,上星期收到中原地產代理嘅電話,佢講得出女性朋友大半年前透過中原買賣單位嘅詳細資料,然後就話適逢中原三十三周年,想回贈禮券畀顧客,約友人見面。

友人即管去睇吓,究竟係乜葫蘆賣乜藥,結果見面嘅唔係中原經紀,而係中原理財嗰邊嘅「市場策劃員」;哦,原來係利用經紀行客戶資料,畀理財業務部去搵客仔﹗

友人以趕時間為由,坐低五分鐘就走,市場策劃姐姐亦不作留難,話日後會搵專責投資同事再聯絡,之後就畀咗張美容禮券友人,銀碼都成千銀o架

中原確實有腦,懂得學銀行嘅交叉銷售,將客戶資料「過戶」畀理財部門,唔似一般保險公司啲「財務策劃師」,絞盡腦汁都想人轉介個朋友畀佢聯絡,家吓中原理財咁順手就可以拎到「冧把」,唔怪得可以話自己有過人嘅優勢喇﹗

中原理財利用經紀行資料call客,雖然幾煩,但都送番張一千蚊美容禮券畀客戶。