為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 06 月 07 日

職工盟高層「一家親」 財政秘密不外揚

最近有消息爆出,指李卓人嘅職工盟向藝人陳玉蓮堂兄陳偉強租用九龍塘一間獨立屋,作培訓中心之用,租落至知道幢物業唔可以做教室,損失咗百幾萬。件事揚開後,外界至留意到,職工盟嘅培訓中心行政總裁鄧燕梨係李卓人嘅姨仔。

職工盟高層可以話「閉門一家親」,李卓人做秘書長,佢太座鄧燕娥擔任總幹事十四年,而近年成為主要收入來源嘅培訓中心,就由佢姨仔揸弗。對呢種情況,個別屬會成員已有意見,也曾在內部大會提出過批評。

李卓人與太太鄧燕娥(中)執掌職工盟領導大權,姨仔鄧燕梨(小圖)則掌培訓中心。

消息人士指,職工盟核心由「自己友」組成,關鍵原因係該會財政好神秘,只有少數人完全知道收入來源細節。據知職工盟背後有來自海外嘅「水喉」,如國際勞工組織及某些外國機構,具體數額及來源唔會公開,所以有份管數嘅高層一定要好信得過。

不過,鄧燕娥坐總幹事個位咁耐,同李太身份無關。消息人士指,佢八○年畢業後已參與社運,被劉千石看中聘為基督教工業委員會職員,曾去英國研究勞工問題,九○年加入職工盟,九七年坐正做「一姐」至今。

據知娥姐將於今年七月一日正式離職,職工盟用咗半年時間招聘新總幹事,聽講薪酬都幾吸引,所以有唔少人應徵,包括商界管理人,不過最後都係揀咗「自己人」蒙兆達接棒。呢位仁兄做咗職工盟十幾年,係阿人同娥姐最信得過嘅弟子,搵佢做穩陣好多。