為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 06 月 02 日

美借殼中企頻爆煲 內地同胞中招 

內地假貨無遠弗屆。不少中資企業近年走去美國借殼上市,貪佢快手快腳兼監管無咁嚴。由於食正中國概念,一度備受國際投資者追捧,點知多間借殼華企最近被美國傳媒揭發涉嫌造假數,喺美國引起軒然大波。

上個禮拜四大會計事務所之一嘅德勤聲稱,發現中國軟體製造商「東南融通」嘅財務紀錄不盡不實,高層仲要對核數師指指點點,搞到德勤想劈炮唔撈,東南嘅財務總監更加一早跳船走人。

一言聽內地金融界朋友講,話「東南融通」出事,行內頗為震驚,事關間公司嘅業務幾吸引,主要為內地銀行嘅自動櫃員機提供軟件服務,○七年十月喺美國借殼上市,喺首隻登陸納斯達克的中國軟件股,第一個交易日已經勁升八成五,成為一時佳話。據聞有批內地同胞喺「東南融通」上市前已經瞓身入股,勢估唔到盤數係假嘢,今鋪隨時輸凸。

喺美國借殼上市嘅中國軟體製造商「東南融通」被質疑造假數,原來唔少同胞都有投資,損失慘重。