花家姐似足阿旺 網友插爆阿佘屎戲
當年郭晉安憑阿旺兩奪視帝寶座，人氣爆晒燈，可能有見阿旺得民心，就嚟多一個女版阿旺，喺新劇《花花世界花家姐》裏面，就由好演技的佘詩曼做花家姐。
雖然阿旺收得，但花家姐就劣評如潮，有不少觀眾插爆話阿佘擺明抄阿旺，語氣、動作有九成九相似，冇創意有個人風格咁喎！阿佘畀人彈，男主角林峯都唔好得好多，有網民就話佢最叻係Chok樣，由頭Chok樣Chok到尾，睇到人眼火爆，所以網上就出現不少惡作劇，將佢哋的劇照大玩移花接木，以洩不滿。
雖然有傳阿佘希望想憑花家姐一角，再奪視后，但劇集出街後，卻劣評如潮，更有不少觀眾插爆話阿佘擺明抄阿旺。
網友鬧爆阿佘同林峯演技浮誇，更惡搞佢哋以洩心頭之恨。
網友都幾有創意，惡搞都搞得特別過人，竟將馬德鐘同陳豪移花接木到《花花世界花家姐》的劇照上。
