為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 05 月 26 日

梁家傑放空炮 被揭無事實根據

港珠澳大橋上周風雲再起,煲呔不點名炮轟政客,梁家傑對號入座,話佢哋早已提醒環評機制有問題,政府一直懶理,終於搞到一鑊粥。過往政府態度係各說各話,講完就算,但今次好唔同,立即派人睇晒立法會Panel幾年所有會議文件,發現梁家傑只係放空炮,根本從冇提過法官裁定要做嘅「基線研究」,事實同佢嘅講法有出入。

官員從文件中搵到二○○九年十一月公民黨一封公函,上面只係話基建環評工作要改善,由頭到尾冇談及「基線研究」(即是以未展開工程時之空氣情況作基準,以評定工程後的污染程度)。過去兩年幾,立法會Panel亦冇討論過呢樣嘢,所謂「早就提醒」,好明顯唔係實情。

政圈老友指,梁家傑噏得出但冇根據,似乎誠信有啲問題。如果佢哋真係提過,就應該一五一十show出嚟,反駁唐唐在內務會議嘅指摘,但佢哋冇咁做,點解會咁?大家心裏有數。

老友話,今次政府明顯擺硬,因為基建被班友咁玩法,未來發展會好大鑊,政府唔能夠再做鵪鶉,必須大力反擊,咬住唔放。所以煲呔開火後,唐唐接力再上,而且拳拳到肉,再唔怕投鼠忌器。政府改變策略,以後勢必有連場好戲!

梁家傑放空炮,煲呔同唐唐接力反擊,咬住唔放。