阿梅遺產案了結 新地得益最大？
擾攘八年嘅已故天后梅艷芳遺產案有終極判決，終審法院本月初正式駁回梅媽媽嘅終極上訴，雖然梅媽心有不甘，但爭產案應該告一段落。
阿梅遺產案塵埃落定，最大得益者可能係新地（016），事關爭產案令梅姐生前壽臣山故居遲遲未能出售，令新地嘅併購計劃被迫一拖再拖。目前案件得到解決，估計遺產執行人稍後會正式申請將梅姐故居出售，令新地可以完成整個屋苑併購大計。
壽臣山恒安閣共有十二個單位，梅艷芳故居是一個複式單位。新地早於○七年斥資近八億元掃入恒安閣其中十一伙，只餘下梅姐嘅單位因遺產官司未完，未能收歸旗下。如今案件獲得終極判決，新地嘅併購大計即時露出曙光。
