為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 05 月 26 日

大摩踢走陳振聰

近排忙於出招申冤嘅陳振聰,佢隻宏霸(802)認真多災多難。呢間公司五行欠「水」通街都知,最近諗住大折讓批股集資億幾銀,點知消息公布後股價被人狂質,連配股價都穿埋,抽水大計幾乎撻Q。咁點收科?當然係劈價促銷,大幅調低配股價差唔多一成先散到貨。之不過咁大折讓批股,最後又係小股東蒙受損失。

所謂禍不單行,有單料無乜人留意,大摩上個禮拜檢討旗下MSCI指數成分股,原來哨牙通隻宏霸慘被踢出香港小型股指數,今個月底正式生效。其實宏霸嘅市值由高位大大話話唔見咗九成幾,平日又無乜成交,芬佬買唔買得都成疑問,大摩依家先飛起佢,似落井下石多啲。

大摩笑死街坊嘅決定經常都有,有金融界老友提醒一言,話大摩○二年試過將當年一間未有盈利,又因「股份出現異常買賣」而曾被證監會調查過嘅公司,納入香港小型股指數內,搞到唔少芬佬「O」晒嘴。邊間公司?就係依家從事環保水務嘅國中控股(202)。

陳振聰隻宏霸禍不單行,批股集資要大減價先散到貨,連大摩都落井下石,將佢踢出MSCI香港小型股指數。