為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 05 月 25 日

雅居樂 搵鄭漢鈞兒子揸旗

雅居樂(3383)一直有意喺香港插旗,年前入股人稱「南丫島島主」李建強位於南丫島東澳嘅大型遊艇會同度假村項目,不過呢個項目仍未過到城規會最後一關,雅居樂為求令計劃盡快「立項」,一言聽聞公司最近重金禮聘「公職王」鄭漢鈞嘅公子鄭恩基,出任南丫島項目CEO。跟父親同樣係土木工程師嘅鄭恩基,本身係城規會委員之一,雅居樂希望借助佢嘅專業知識同經驗,令項目盡快成功闖關。

鄭恩基喺父親嘅顧問公司做董事總經理,佢可以話繼承咗父親「公職王」嘅美譽,現時身兼多個公職,包括浸會大學校董會成員、香港房屋委員會建築小組委員,以及醫管局委員等等,今次肯擔任雅居樂南丫島項目嘅CEO,據講係因為佢認為南丫島有不少潛力仍未被發掘,應該有得搞。

雅居樂一心殺入南丫島搞度假村,可惜仍未過到城規會一關,決定重金禮聘鄭漢鈞兒子鄭恩基做項目CEO,希望幫到手。