為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 05 月 20 日

復建居屋有可能 高層現新諗法

煲呔舊年施政報告話唔會復建居屋,但官場有消息指,由於中下價樓仍然高企,豪宅又屢創新高,公眾要求復建居屋勢將加強,所以政府正重新積極考慮起居屋可能性,而鬍鬚曾嘅態度亦好正面,不過仍有待煲呔拍板。

政府上周公布樓市數字,豪宅同中小單位都已超越九七水平,市民供樓負擔指數(收入與供樓比例)亦去到48%,加上通脹猛升,樓價易升難跌。據官員估計,以目前情況,即使復建居屋亦唔會推冧樓價,想上車一族則急於置業,希望有居屋可買,呢股社會需求將形成壓力,所以是否復建居屋要再諗。

房屋局長鄭汝樺早前在立法會討論「置安心」計劃時,亦冇否定復建居屋,態度跟以往唔同。聞說鬍鬚曾都傾向考慮,不過呢個大政策乃由煲呔揸主意,所以佢冇強烈表態。

樓價高企,要求建居屋的社會情緒加強,政府高層對此正重新考慮,財爺亦有此意。