投資移民公司 轉攻金融產品
講開利嘉閣，佢哋都有搞投資移民業務，過去因為可以將投資地產納入申請移民嘅資格，而利嘉閣做開地產代理，因利乘便，順便搞埋投資移民顧問公司。但依家政府將房地產剔出計劃，利嘉閣優勢即時受到影響，急謀對策。
利嘉閣投資移民顧問公司董事胡家安跟一言講，佢哋公司喺新政策下要生存，要諗計搵出路，近日決定順勢變陣，申請金融產品牌照，早前已經獲批。以後間行會向啲申請投資移民客仔賣保險、基金同證券，至於買樓雖則唔計入投資移民計劃入面，但好多客仔申請開移民，都會有住屋需求，到時佢哋仍然會為客人搵樓，提供一條龍服務。
