為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 05 月 16 日

公民黨被攻要害 登廣告駁劉迺強

政壇前輩劉迺強上周在報章撰文炮轟公民黨,直指該黨推一個綜援老婦人濫用司法程序,利用法律上的技術性漏洞阻撓港珠澳大橋工程,浪費公帑以達成政治目標,用字用語甚辣,火氣十足。

線人話,公民黨今次搞停大橋工程,不滿之聲四面八方而來,連一啲黨友亦有怨言,在中產選民中失分唔少,黨高層對此本已十分頭痛,今次劉迺強發炮打中要害,內部傾過後,覺得問題愈嚟愈嚴重,如果只搵記者訪問講吓,反駁力度太輕,難以挽回形象,所以最後決定在幾份報章登大半版廣告,逐點加以反駁,為自己開脫。

公民黨副主席黎廣德,頻頻為搞停港珠澳大橋工程解畫。據知公民黨此舉引起中產友好不滿。

公民黨今次高調反擊,之前黎廣德又連續寫文為事件解畫,顯示該黨事前低估咗行動嘅負面效果,可以話弄巧反拙,目前惟有大力補鑊,盡量減少損失。

講開又講,今次被擺布申請法援打官司嘅東涌婆婆朱綺華,自從法庭裁定佢勝訴後,一直冇露過面,有記者在佢屋企外等咗幾天,知道屋內有人,但始終未見婆婆出街。

婆婆為何隱形?係咪特登躲避記者?冇人知道。不過從佢多日足不出戶,可以推斷曾有人叫佢盡量少公開亮相,無謂畀記者追訪講錯嘢。

劉迺強狠批公民黨濫用司法程序,浪費公帑以達政治目標,火氣十足,亦擊中要害。