為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 05 月 13 日

何安達夠運 避過阿里山車禍

早前台灣阿里山一列小火車出軌,五遊客遇難,都幾慘。原來特首辦新聞統籌專員何安達亦預訂咗車票,一家人坐小火車登山,好彩book遲咗一日,避過一劫。

事緣Andy(何之洋名)上月底放假去台灣玩,因兩個囝囝由細睇Thomas and Friends睇到大,對火車迷晒,所以佢特別安排全家坐小火車上山玩一日一晚,車票同酒店一併訂埋。但佢去到台北當日,睇新聞見到阿里山小火車被大樹撞到出軌,五死八十幾傷,小火車全部停駛,佢惟有取消上山計劃。細路當然唔開心,但佢亦慶幸自己行程預遲咗,如果早一日到台灣,可能好大鑊。

雖然搭唔到小火車,但Andy帶咗囝囝去苗栗參觀火車博物館,令兩個小小火車迷過足火車癮。

何安達兩個囝囝都係火車迷,故一家大細原定坐小火車登阿里山,好彩去遲一日,避過出軌意外。