為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 05 月 10 日

失意菲國 受聘丐幫 周澄回歸做黨工

民主小女神周澄去年「玩」完公投後,悄悄離開香港,去咗菲律賓加入一個NGO(非政府組織)做社工,原本計劃做滿一年至返港。不過,上星期有人見到佢在社民連位於大角咀嘅黨部出現,原以為佢嚟探吓朋友,打聽之下,始知佢原來入咗社民連做受薪黨工,主要返office負責文件工作。

線人進一步了解後回報,周澄當初興致勃勃去菲律賓,以為做扶貧工作好有意義,但發覺NGO之內一樣有office politics,人事糾紛唔少,加上佢在當地冇乜朋友,晚晚悶到發慌,更加懷念香港多姿多采嘅生活,所以做咗大半年,就索性劈炮。

周日社民連在旺角搞支援艾未未,本刊記者發現周澄在現場附近頻打電話,但冇參與行動。

傳聞社民連副主席吳文遠私人「包起」周澄份糧。

佢返港前已同社民連一些密友通聲氣,副主席吳文遠知道佢咁情況,就提出搵佢入社民連做黨工,周澄亦有意思。但社民連已窮到燶冇乜水,好難再出一萬幾千增聘職員,吳文遠惟有捱義氣,自己掏荷包出錢「包起」周澄——份糧。

本刊記者向吳文遠求證,佢笑笑口承認社民連請咗周澄,不過只係兼職人員,負責文件處理及政策研究;問佢是否自己出錢「包起」,佢就不置可否,只說月薪幾千蚊啫。

線人指,周澄加盟之後,明年有可能在新界東爭出線,因為去年五區公投之時,佢夾埋幾個大學生在該區出選,都攞到萬幾票,得到唔少八九十後青年支持,如果佢捲土重來,同「長毛」等分頭出戰,未必無機會。

周澄過往從未入過社民連做黨員,但同幾個核心成員都傳過緋聞,當年佢參與五區公投時,就同任亮憲撻着,後來秘書長季詩傑殺入奪美,搞出個三角關係,並在facebook互唱。如今佢同兩人都已散咗,當係夢一場。