日本「無撚糸」 毛巾有噱頭
一言有位老友係做股票分析員，仲專負責分析零售股，所以特別鍾意行公司了解市況。有次分析員老友喺日本百貨公司發現一款毛巾，名字教人發笑，原來叫做「無撚糸」毛巾，驟耳聽嚟，仲好似講粗口。
分析員老友好奇之下，打電話向百貨公司了解，店員好有禮，仲耐心解釋，「好多日本牌子都有出無撚糸毛巾，呢系列毛巾吸水力強，仲持久柔軟，我哋唔係打錯字，係從日文繙譯過嚟。」
原來呢款毛巾喺台灣都有發售，口碑不俗，在網上一查，「無撚糸」有專業解釋：「使用不易撚的織法，同時具備超優質觸感及吸水性佳的特性」，但人家講普通話就優雅好多，「撚」的發音是nian，與「捻」同。呢款毛巾個名咁有噱頭，百貨公司不妨點樣加強宣傳。
