為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 05 月 14 日

溫總振英 口脗一致

上月底,總理溫家寶訪問馬來西亞時跟大學生講:「要做大事,不要做大官」,唔少人都解讀為「溫總勉勵年輕人不要學他做大官」,但有高人跟一言講,「溫總唔係要講畀學生聽。」一言摸不着頭腦,向高人請教,高人拋下貼士,話溫總講咗呢番話,行會入面有位成員好開心。

經高人教路,一言先知呢句話係出自孫中山名言,係行政會議召集人梁振英最愛引用。振英喺○四年被問到會唔會競逐特首時,就係咁回應:「唔理做乜位置,只係畀你做事嘅一個台階,孫中山先生講過一句話:要做大事,不要做大官……」

近期喺中環飯局,唔少人都問下屆邊個做特首,一言聽得最多嘅版本係:「目前好難講,叮噹馬頭呀!」但溫總呢句「要做大事,不要做大官」,即刻引起一班造皇者關注,局內人無不四出打聽弦外之音。總之目前看似風平浪靜,實質暗湧四起,高人就跟一言說:「等睇戲喇!」

溫家寶(左)早排叫人要做大事,唔好要做大官,原來梁振英早喺○四年講過。