為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 05 月 12 日

港鐵事件 女婿都冇面畀?

港鐵(0066)「警告信」早前鬧得滿城風雨,事件原來有段小插曲,話說各大傳媒中,插得港鐵最狠就係生果日報,但原來報紙社長董橋,竟然跟出警告信嘅公關公司OMD間母公司某高層關係十分密切。

OMD母公司叫做OMG(Omnicom Media Group),佢哋香港區行政總裁叫Jackson Kwok,可能大家唔知佢係乜誰,但生果日報董社長就實知,皆因佢係董社長個愛女董綺倫嘅老公,換言之即係董社長個女婿。

照咁睇,OMD呢個名,董社長應該唔會陌生,不過今次外父對女婿都冇面畀,仲要批評得特別狠。一言都感到好奇怪,廣告公司高層有咁嘅背景,按道理點會唔知媒體運作?最吊詭係,公關公司個行政總裁Roid Sin,今年三月先坐正,佢要直接向董快婿Jackson Kwok匯報。

按理Roid Sin發信警告傳媒前,應向Jackson Kwok請示,而Jackson Kwok喺廣告界好出名,加上佢喺本港經驗,以及外父係報壇大佬,又點會容許呢封低B信出街呢?

Jackson Kwok係生果日報社長女婿,估唔到都咁大意。