為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 04 月 29 日

銀行收按揭 玩死南灣業主

舊年賣個滿堂紅嘅鴨脷洲豪宅南灣,近日剛啱入伙,但好衰唔衰,正碰啱銀行收緊按揭,信貸資料庫更擴至新做按揭樓宇,聽聞有部分業主上會遇到困難。

通天跟一言講,有個南灣買家,姑且稱呼佢做X先生,持有第三座一個兩千呎單位,買入價三千三萬,呎價萬七,但因為按揭出問題,未必可以搵到銀行幫手。X先生只好將單位放盤,叫價都係三千三萬,若扣除釐印費等成本,實際上已經是蝕讓放盤。

X先生真係好慘,事關發展商規定,持有大單位嘅一手業主,可以有優先權買一個南灣車位,價格一百四十五萬。由於南灣車位奇缺,嚴重供不應求,唔少業主買入車位後,價格已上升至一百八十萬,淨賺三十幾萬銀。之但係X先生有錢都唔敢賺,因為佢按揭未解決,若到最後都搵唔到銀行幫手,唔好話車位,成個單位都撻定,隨時損失不菲。

近日銀行收緊按揭,傳聞部分南灣業主上會有阻滯。