富豪御用經紀 過檔幫鍾楚義
又係富豪經紀嘅故事，但呢位唔係股票經紀，而係地產經紀，佢就係第一太平戴維斯住宅部副資深董事方文彬，城中唔少富豪買賣大屋，都係由佢一手促成。舊年最爆嗰單，係幫資本策略（0497）主席鍾楚義向維他奶後人，買入壽山村道三十九號A大屋，成交價達十一億五千萬，後尾又幫鍾生以近十三億售出。
方文彬做經紀咁掂，決定要接受新挑戰，喺月前離開一太，市場都好奇怪，佢喺一太都十幾年，會去邊呢？一言知道，原來佢做壽臣山單買賣後，鍾生對佢十分賞識，咁啱資本策略剛啱成立咗間專發展豪宅業務嘅公司Couture Homes Limited，於是力邀小方過檔，出任董事總經理，負責發展低密度豪宅。小方做經紀成廿年，見有機會做發展商，都想試一試，於是毅然離開一太，實行擴闊視野。
鍾楚義去年一買一賣壽山村道39號A大屋，賺了大錢。
