為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 04 月 27 日

郭德勝係Ricci仔

講起自我推銷者,一定唔少得富豪御用經紀郭德勝,佢老哥近日由德意志過檔到瑞銀,市場都好關注。查實,唔少人好奇怪,呢位傳聞中同各大城中富豪十分稔熟嘅大哥,究竟有乜嘢咁把炮,可以湊得掂啲大孖沙?有傳佢係十分之圓滑,好世界仔,但據好多年前識佢嘅人講,又似乎唔多係嗰回事。

郭德勝係八十年代香港大學畢業,修讀社會科學系,讀大學時住喺利瑪竇宿舍,點解特別提起呢間宿舍?原來香港好多猛人都係呢個宿舍畢業,例如民主派元老李柱銘、歌神許冠傑、前立法會議員黃宏發、已故才子黃霑,甚至賭王何鴻燊,都住過利瑪竇。

據當時跟郭德勝同期嘅舍友講,郭生非但唔係活躍分子,而且更十分低調,又冇喺宿舍玩乜運動,有人甚至話佢係舍內嘅潛艇(即係好少出現),估唔到今日勝哥竟以擅長服侍富豪著稱,真係估佢唔到。

富豪御用經紀郭德勝原來同賭王及歌神都住過利瑪竇宿舍。