為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2011 年 04 月 26 日

梁芷珊教中女推銷術

百足咁多爪嘅梁芷珊,既寫文章又填歌詞,可算才女一名,加上樣子生得唔錯,身材又高挑,未結婚前應該有唔少裙下之臣追逐其下;但事實與想像原來係兩回事,唔單止咁,芷珊仲曾經有過中女嫁唔出嘅困惑。

上星期梁芷珊被邀請做講者,教人點樣用「奇招」推銷自我,促成交易。話說當年梁芷珊步入中年,開始有中女憂慮症,怕自己「賣唔出」,希望趁勢「大減價」出貨。正當呢個時候,依家個丈夫羅傑承向佢展開追求,佢見羅生條件唔錯,都想畀機會呢位男士,於是用咗啲小方法去促成呢項「交易」。

梁芷珊可算靚女一名,估唔到有過嫁唔出的困惑。

首先係要令顧客(男士)對呢件產品有興趣,還記得第一次約會,羅生話自己鍾意音樂同足球,即時考起梁芷珊,但佢反應好快咁話:「我都作過歌詞,就係許志安嗰首《唯獨你是不可取替》,你有冇聽過呀?足球呢,我好鍾意碧咸o架,你有冇去英國睇波?有機會我哋一齊去吖。」

其次就要懂得將產品的弱項隱藏,梁芷珊家住華富邨、有兩老要供養,年齡又非十八廿二;但初相識時,不妨將缺點暫時收藏起來。佢話其實貨本身沒有變,只不過係將自己包裝一吓,遷就對方,強化男方對你的興趣。

所以話,唔單止做生意要識推銷,即使談戀愛都要有方法呀。