為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2011 年 04 月 07 日

單仲偕寫文闖禍 引發民主黨內風波

線人回報,民主黨副主席單仲偕銳意明年出戰立會,最近終於搵到個位,就係殺去大坑,十一月參加區議會選舉,如果勝出,就可以透過超級區選入立法會。不過呢場仗唔易打,因為對手係葉劉旗下悍將黃楚峰,在大坑浸咗幾年,贏面唔細。

單仲偕除咗想入局,亦有意接仁哥個主席位,不過佢近期嘅言論,被黨內基層人馬指為「過右」,可能不利佢上位。

話說佢老哥早前在親中報章發表文章,題為《誰來為養老金付鈔?》,質疑全民退休保障制度,同民主黨嘅立場有異,頗有唱對台意味。某些基層黨員睇完篇文章後,感到極之不滿,葵青區民主黨區議員更召開緊急會議,怒斥單哥嘅觀念,要求佢辭去副主席一職。有大佬擔心「反單」情緒如蔓延,可能造成另一輪黨內鬥爭。

線人指,仁哥在中委會內批評單哥言論冇分寸,李永達更指佢欠政治智慧,似乎想平息黨內兄弟嘅情緒,避免風波擴大。

單哥質疑全民退休保障,惹黨內少壯派不滿。