為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2011 年 04 月 07 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

高峰會

「金牌飯局」一直為你哋開發全城最好嘅食肆,與此同時,我亦不停邀請可以令大家耳目一新嘅嘉賓,創造驚喜。

今晚我繼續拓展嘉賓層面,集合城中頂級餐飲業同物業管理尖子:「JC Group」行政總裁丁冠德(Eric)及「家居增值服務」董事梁志豪(John),同我大談成功之道之外,並舉行「美食高峰會」!

我同兩位尖子飯局,先喺「Hooray」嘅空中花園暢飲,享受維港夜景,你睇John(左)同Eric(右)幾enjoy?

好煮意

香港係美食之都,我透過「金牌飯局」亦介紹過唔少嚟自世界各地嘅美食。而「JC Group」就係近年人氣急升嘅高級餐飲集團。有Eric嘅帶領,集團旗下多屬高格調食肆,以今晚嘅飯局地點、位於銅鑼灣世貿中心5樓嘅「Hooray」為例,就係位處都會中心,又坐擁180度無敵維港海景,我身處餐廳嘅全港最大空中花園,同兩位嘉賓暢飲,特別開懷!

Eric談及管理心得,即滔滔不絕。

喺空中花園除咗可盡覽維港夜色外,仲可以喺戶外享受美食,別有一番滋味。

Eric擁有逾30年嘅餐飲業管理經驗,具有獨特眼光,佢對高級餐廳嘅管理,有自家獨門秘技,「我係做意大利餐廳入行嘅,做呢個國家嘅菜式,最重要係同廚師有好嘅溝通,要好似佢哋咁有passion先做得好。

「後來我發現,無論做邊一個國家嘅菜式,都一樣要有passion先會做得好,尤其係高級嘅餐廳,因為要以實力取勝,唔可以做廣告,做廣告反而證明你唔得吖嘛!」

哈哈哈!我同意,passion makes perfect!有麝自然香,品牌,就係以質素建立嘅。

頭盤係意大利風乾火腿伴蜜瓜及黑松露蜜糖($178),清淡以外,黑松露蜜糖個性亦特別。

有實力

Eric領導嘅「JC Group」,旗下嘅餐廳、餅店等包括位於ifc嘅「H One」、「G Bar」、「The Box」;位於銅鑼灣世貿嘅「Hooray」、「Kaiko」同「Carousel」;位於尖沙咀The One嘅「Kaika」同「Harlan's」;加上即將開幕,位於ICC嘅「田舍家」,全部都係走高格調路線,少啲passion,又點會取得成功?

Eric極度強調一點:「實力係最重要嘅一環,而且市場策劃、誠意亦好重要。好似我另外一間行大眾化路線嘅越南餐廳『PHO24』,喺餐廳開張前,所有本地廚師都喺越南住3個禮拜,感受吓當地文化,咁樣煮出嚟先有味道。」

實力加上誠意,造就出成功之路,John同Eric嘅理念相近,間接成為兩個集團合作嘅催化劑。「我同Eric嘅經營概念好似,唔同嘅只係喺物業管理上,我哋要付出120%嘅細心,畀住戶最貼心嘅服務。」

加上「星島雜誌集團」行政總裁黎廷瑤,令我同John(左二)、Eric(右)嘅高峰會,更人強馬壯,哈哈哈!

燴和牛牛仔骨拌椰菜花茸及迷你蔬菜($298)嘅牛仔骨燴得入味,令人回味。

手製闊麵配鴨肉醬,牛肝菌及羊奶芝士($188),夠惹味!

最窩心

哈哈哈!其實不論係經營餐飲業抑或係物業管理,甚至任何行業,誠意同實力都係成功嘅不二法門,同場嘅「星島雜誌集團」行政總裁黎廷瑤都話,「家居增值服務」為「新鴻基集團」旗下物業嘅住戶提供嘅服務,甚為貼心。「喺秋冬時份,大閘蟹旺季,『家居增值』都有代住戶訂大閘蟹服務,而且仲包裝好送上屋企,呢項服務係最有特色。」

要成功,一定要努力經營,今晚我同兩位成功人士嘅飯局,飲食以外,獲益良多,乾!

我同Eric傾得興起,唔乾杯邊有氣氛呢?

我以酒會友,即刻同黎社長(左一)、John(左二)及Eric(右)乾一杯!

甜品係榛子雪糕、法式奶油卷配楓葉糖漿($88)

香煎鱸魚配八爪魚、西班牙腸、腰薯及墨魚汁($268),鮮味!

極品crossover

「JC Group」同「家居增值服務」合作,推出85折優惠卡,畀後者嘅住客喺「Hooray」、「Kaiko」、「PHO24」三間分店,獨享85折優惠。今次我同Eric、John結緣,呢項極品優惠,點少得惠及「金牌飯局」fans呢,詳情請登入「東周網」參考!

John(左)及Eric(右)二人合作,令食客、住客有更多機會歎美點。

Hooray Bar & Restaurant
地址:香港銅鑼灣告士打道280號世貿中心P502
電話:2895 0885